Húshjálp er lønt arbeiði. Ein og hvør kann bjóða seg fram at gera ymiskt arbeiði út frá teimum førleikum viðkomandi hevur.

Tá ein kundi hevur arbeiði, ið skal gerast, verður ein húsavinur knýttur at arbeiðnum, og semja verður gjørd um vavi og slagi av arbeiði, prís og løn.

Nógv spyrja nevniliga um prís og løn, men veldst um slag og vavi av arbeiði. Tað merkir, at hetta verður avgreitt í samskifti millum kunda, Húshjálp og húsavin. Uppgávurnar eru jú sera skiftandi, og førleikar hjá húsavinum tað sama.

Møguleiki er at fáa vanliga løn sum A-inntøku ella at arbeiðsfólkið sendir faktura og Húshjálp sendir faktura til arbeiðsfólkið fyri sín part.